ABŞ güclü hərbi qüvvələrini İran ətrafında yerləşdirir
ABŞ-nin “USS Carl Vinson” təyyarədaşıyan gəmisi Hind okeanına daxil olub.
Crossmedia.az xəbər verir ki, bu barədə “Newsweek” nəşri yeni peyk görüntülərinə istinadən yazıb.
Məlumata görə, gəminin göndərilməsi ABŞ-nin bölgədə hərbi mövcudluğunu gücləndirmək yolunda mühüm addımdır. Bildirilib ki, Amerika qarşıdakı günlərdə və həftələrdə daha aqressiv yanaşma qərarını göstərə bilər.
Qeyd olunub ki, sözügedən təyyarədaşıyan gəmi Hind-Sakit Okean bölgəsində təlimləri başa vurduqdan sonra “regional sabitliyin təşviqi, düşmənçilik addımlarının qarşısının alınması və ticarətin sərbəst axınının qorunması” səylərini davam etdirmək üçün bölgədəki ABŞ Mərkəzi Komandanlığına (CENTCOM) qoşulacaq.
15:50 08.04.2025
Oxunuş sayı: 7799
