İlon Maskın sərvəti 300 milyard dollardan aşağı düşdü
Bloomberg Milyarderlər İndeksinə əsasən, Tesla-nın baş direktoru və dünyanın ən varlı adamı İlon Maskın sərvəti bazar ertəsi Tesla səhmlərindəki itkilər səbəbilə 4,4 milyard dollar azalıb. Oktyabrdan bəri ilk dəfə olaraq onun ümumi sərvəti 300 milyard dollardan aşağı düşüb.
Crossmedia.az xarici mediaya istinadən bildirir ki, ötən həftələrin cümə axşamı və cümə günləri ərzində Mask 31 milyard dollar, ümumilikdə isə bu il 134,7 milyard dollar itirib. O, Bloomberg-in “Ən zəngin 500” siyahısında 6-cı ən böyük itirən kimi qeyd edilib.
Maskın sərvətindəki azalma Trampın seçilməsindən sonra başlayan gözlənilməz prosesin davamı sayılır. Trampın qələbəsindən sonra Tesla səhmləri artsa da, Maskın onun komandasında fəal iştirak etməsi şirkəti həm ölkə daxilində, həm də xaricdə tənqid və etirazların hədəfinə çevirib. Maskın qütbləşdirici açıqlamaları və sosial media fəaliyyəti potensial müştəriləri uzaqlaşdırıb, Tesla sahiblərinin isə brendə olan münasibətini dəyişib.
Dekabrın ortasında pik nöqtəyə çatan Tesla səhmləri sonradan 50 faizdən çox dəyər itirib. Mask həftə sonu açıqlamasında ABŞ və Avropa arasında “sıfır tarif” sisteminə əsaslanan azad ticarət zonası yaradılmasına ümid etdiyini bildirib.
Fatimə Nəbiyeva
13:10 08.04.2025
Oxunuş sayı: 7381
