Politoco: Britaniya kəşfiyyatı ABŞ-dən ciddi asılı vəziyyətdədir
Politico nəşri Britaniyanın kəşfiyyat və təhlükəsizlik sahəsində ABŞ-dən yüksək səviyyədə asılı olduğunu yazıb.
Crossmedia.az xarici mətbuata istinadən xəbər verir ki, Britaniya və ABŞ arasında kəşfiyyat əməkdaşlığı o qədər dərindir ki, bu əlaqələrdən imtina etmək və ya onları qısa müddətdə əvəzləmək real görünmür.
ABŞ rəsmilərindən biri bildirib ki, Britaniya ABŞ-nin kosmosdan əldə etdiyi kəşfiyyat görüntülərini təhlil edə bilsə də, bu görüntüləri öz müstəqil kanalları ilə qəbul edə bilmir. Bundan əlavə, Britaniyanın təhlükəsizlik və müdafiə sahəsindəki bir çox texnoloji inkişafı ABŞ-nin maliyyə dəstəyi ilə mümkün olub.
Bu texnologiyalar “Beş Göz” (Five Eyes) kəşfiyyat alyansı çərçivəsində digər müttəfiq ölkələr tərəfindən də istifadə edilə bilər. Lakin bunun üçün də ABŞ-nin razılığı və dəstəyi vacibdir. Nəşr vurğulayır ki, yaxın onilliklər ərzində ABŞ kosmik kəşfiyyat sahəsində əvəzedilməz mövqeyə sahib olaraq qalacaq.
Bu məlumatlar Britaniyanın milli təhlükəsizlik strategiyasında ABŞ ilə olan əlaqələrin nə dərəcədə həlledici olduğunu bir daha ortaya qoyur.
Mədinə Cəlilova
22:00 07.04.2025
Oxunuş sayı: 8754
