Macarıstandan sərt tənqid: Aİ şirkətləri Brüsselin siyasəti ilə çətin vəziyyətdədir
Avropa Komissiyası Avropa İttifaqının iqtisadi siyasətini uğursuzluğa uğradıb, ABŞ ilə ticarət mübahisəsini nizamlaya bilməyib və buna görə məsuliyyət daşımalıdır.
Crossmedia.az xarici mediaya istinadən xəbər verir ki,bu barədə Macarıstanın xarici işlər və xarici iqtisadi əlaqələr naziri Peter Siyarto Facebook-da yazıb.
O hesab edir ki, “Brüsselin son illərdəki bacarıqsız iqtisadi siyasəti Aİ-nin rəqabət qabiliyyətini ciddi şəkildə aşağı salıb”.
“Brüssel iqtisadi məsələlərin tamamilə lazımsız və həddən artıq siyasiləşməsi ilə Avropa şirkətlərini çətin vəziyyətə salıb” – deyə nazir qeyd edib.
Siyartonun sözlərinə görə, “Avropa Komissiyası ABŞ ilə normal gömrük əməkdaşlığı qura bilməyib”. O hesab edir ki, “formul çətin deyildi: Avropa İttifaqında avtomobil sənayesinə tətbiq olunan tarifləri azaltmaq lazım idi. Bu sahə hər iki qitənin iqtisadiyyatının əsasını təşkil edir və bu halda hər kəs fayda qazana bilərdi”.
“Lakin Avropa Komissiyası bunu da bacarmadı. Bu gün Aİ Şurasında kimsə cavab verməlidir: necə oldu ki, bu (yenə) baş verdi?” – deyə Macarıstanın xarici işlər naziri yazıb.
Zəhra Məmmədova
20:25 07.04.2025
Oxunuş sayı: 8616
