İsrailin Efiopiyadakı səfiri Afrika İttifaqının qərargahından qovulub
İsrailin Efiopiyadakı səfiri Avram Nequze Afrika İttifaqının qərargahında keçirilən “Ruanda soyqırımı”na həsr olunmuş sessiyadan çıxarılıb. “Əl-Cəzirə” telekanalının məlumatına görə, bu addım bir neçə Afrika ölkəsinin tələbi ilə atılıb.
Crossmedia.az xəbər verir ki, telekanalın müxbirinin sözlərinə görə, İsrail səfirinin tədbirdə iştirakı gözlənilməz olub və onun zalda görünməsi bir sıra nümayəndə heyətlərinin narazılığına səbəb olub. Etiraz edən ölkələrin tələbi ilə iclas, səfir zaldan çıxana qədər dayandırılıb.
Afrika İttifaqı hazırda səfirin kim tərəfindən dəvət olunduğunu araşdırır.
Qeyd edək ki, İsrail 2021-ci ildə Afrika İttifaqında müşahidəçi statusu qazanmışdı. Lakin sonradan Fələstin ərazilərinin işğalını davam etdirdiyi üçün bu status Afrika ölkələrinin qərarı ilə ləğv edilmişdi.
Müşahidəçi statusu nədir? Afrika İttifaqı 2002-ci ildə yaradıldıqdan sonra üzv olmayan, Afrikadan kənar 87 ölkəyə müşahidəçi statusu verib. Bu status iclaslarda iştirak və bəzi müzakirələrə qoşulma imkanı versə də, səsvermə hüququ təqdim etmir. Müşahidəçi statusu verilmiş ilk qurum 1973-cü ildə Fələstin Azadlıq Təşkilatı olub.
Mədinə Cəlilova
19:50 07.04.2025
Oxunuş sayı: 678
