Gürcüstanın Baş naziri: Avropa bürokrasiyası bizi şantaj edib
Gürcüstanın Baş naziri İrakli Kobaxidze 2022-ci ildə ölkəsinə Avropa İttifaqı (Aİ) namizəd statusunun verilməməsindən sonra Gürcüstan və vətəndaşlarının Avropa bürokrasiyası tərəfindən şantaja məruz qaldığını bildirib. Crossmedia.az bildirir ki,bu barədə yerli KİV məlumat yayıb.
Baş nazirin sözlərinə görə, əgər Gürcüstana 2022-ci ilin iyununda namizəd statusu verilsəydi, inteqrasiya prosesi təbii şəkildə, siyasi qarşıdurmalar olmadan davam edəcəkdi. Lakin o iddia edir ki, bəzi qüvvələr bu statusdan təzyiq aləti kimi istifadə edərək ölkəni müharibəyə cəlb etməyə çalışıblar.
Kobaxidze əlavə edib ki, 2023-cü ilin dekabrında Aİ-nin təzyiqləri daha da artıb.
“Biz və övladlarımız Avropa bürokrasiyasının şantajının qurbanına çevrildik və bu, olduqca utancvericidir”,– deyə Baş nazir vurğulayıb.
Fidan Xəlilova
19:38 07.04.2025
Oxunuş sayı: 881
