ABŞ-Çin gərginliyi artır: Böyük müharibə başlayacaq?
Çin Tayvan ətrafında hərbi təlimlərə başlayıb. ABŞ Çinin dövlət şirkətləri və yatırımlarını hədəf alır. ABŞ hökumətinə yaxın mənbələrə görə, Prezident Donald Tramp Çin iqtisadiyyatını və hökumətini zəiflətmək üçün Çin ticarət şirkətlərini hədəf almağı planlaşdırır.
Crossmedia.az xəbər verir ki, bu barədə Türkiyənin “Haber Global” telekanalının saytında məlumat dərc olunub.
Bildirilib ki, Tramp ötən gün böyük vergi müharibəsini başlatdığını açıqlayıb. Çin üzərində əlavə olaraq 10% əsas tarif və 24% "əks-tarif" tətbiq edərək ümumilikdə 34% əlavə gömrük vergisi tətbiq ediləcəyini bildirib. Çin isə Tayvanla bağlı iddialarını gücləndirərək dənizdəki hərbi təlimlərə başlayıb
ABŞ mətbuatına görə, AB, Çin hökumətinə məxsus ən böyük şirkətlərə qarşı sanksiyalar tətbiq etməyi planlaşdırır.
Bundan əlavə, Tramp tərəfindən keçirilən gizli bir toplantıda Çinlə bağlı müharibə planları müzakirə edilib. Rəsmi Pekin martın 5-11 tarixlərində açıqladığı "Böyük Çin Stratejisi"ni açıqladıqdan sonra, ABŞ hökuməti dərhal reaksiya vermək üçün müzakirələrə başlayıb.
Çin öz strategiyasında daxili bazarını yalnız Çin malları ilə doldurmaq, yüksək texnologiyalı yazılım və avadanlıq sahələrində lider olmaq, kvant texnologiyası, süni intellekt və 6G sahələrində qlobal yatırımlar etmək məqsədləri güdür
Bundan başqa, Çin ABŞ-nin "ChatGPT" alternativi olan "DeepSeek" adlı süni intellekt proqramını da bazara təqdim edib.
Çin 2025-ci ildə milli maraqlarına və təhlükəsizlik məqsədlərinə çatmaq üçün hərəkətə keçəcəyini bildirib. Tramp kabineti bu çərçivədə həm müharibə planları, həm də iqtisadi tədbirləri müzakirə edib.
Mütəxəssislər ABŞ və Çin arasında böyük vergi müharibələrinin başlayacağını və hər iki ölkənin ticarət və sərmayələri milliləşdirmək istəklərinin qlobal iqtisadiyyata mənfi təsir edəcəyini bildirirlər.
Qeyd edək ki, Tramp Çin hökumətinə məxsus böyük şirkətləri hədəf alaraq bu ölkənin iqtisadiyyatını zəiflətməyi planlaşdırır. Çin ABŞ-dən illik 600 milyard dollar gəlir əldə edir və bütün bu planlamalar mərkəzləşdirilmiş şəkildə Çin hökuməti tərəfindən həyata keçirilir.
Fatimə Məmmədova
20:02 05.04.2025
Oxunuş sayı: 928
