HƏMAS: Əsir götürülən israilli əsgərlərin yarısı təxliyə tələb edilən ərazilərdədir
HƏMAS-ın silahlı qolu olan «İzzəd-Din əl-Qassam» briqadaları bildirib ki, əsir götürülən israilli əsgərlərin yarısı, İsrailin son vaxtlar təxliyəsini tələb etdiyi ərazilərdə yerləşir.
Crossmedia.az xarici mediaya istinadən bildirir ki, «Əl-Qassam» briqadalarının nümayəndəsi Əbu Uyadanın ərəb və yəhudi dillərindəki açıqlamasında qeyd olunub: «Əsir götürülən düşmən əsgərlərinin yarısı, İsrailin son zamanlar təxliyəsini tələb etdiyi ərazilərdədir. Biz qərara aldıq ki, bu ərazilərdən əsirləri çıxarmayaq və onları çox ciddi təhlükəsizlik tədbirləri ilə saxlayaraq həyatlarını böyük riskə ataq».
Əbu Uyada vurğulayıb ki, əgər İsrail bu əsirlərin həyatını nəzərə alırsa, dərhal onların təxliyəsi və ya azadlığı ilə bağlı danışıqlara başlamalıdır.
«İsrailin baş naziri Binyamin Netanyahunun hökuməti əsirlərin həyatına tam məsuliyyət daşıyır. Əgər onlar həqiqətən bu barədə narahat olsaydılar, yanvar ayında imzalanan razılaşmaya riayət edərdilər və əksər əsirlər bu gün evlərinə qayıdardı», - deyə Əbu Uyada əlavə edib.
Fatimə Nəbiyeva
19:45 05.04.2025
Oxunuş sayı: 9718
