ABŞ Yəməndə mülki qəbiləni vurdu?
ABŞ prezidenti Donald Tramp, Yəməndə İranın dəstəklədiyi Husi yaraqlılarının hərbi görüşünə hava hücumu təşkil edildiyini iddia edən pilotsuz təyyarə ilə çəkilmiş görüntüləri sosial şəbəkədə paylaşıb. Görüntülərdə təxminən 70 nəfərdən ibarət qrupun böyük bir dairədə düzüldüyü və həmin vaxt ABŞ-ın hava hücumuna məruz qaldığı görünür. Hücum nəticəsində ərazinin bombalandığı və nəhəng bir kraterin əmələ gəldiyi göstərilir. Tramp, paylaşımında “Bu husilər hücum üçün təlimat almaq üçün toplaşıblar. Aman Allahım, bu husilər hücum etməyəcək! Bir daha gəmilərimizi batırmayacaqlar!” ifadələrini işlədib.
Crossmedia.az xarici mediaya istinadən bildirir ki, Yəməndəki Husilər bu toplantının hərbi planın bir hissəsi olmadığını və görüntülərdəki insanların qəbilə mübahisələrini həll etmək üçün toplandıqlarını iddia ediblər. Onlar, Trampın iddiasının Qərb və Amerika kəşfiyyatının Yəmənlə bağlı uğursuzluğa düçar olduğunu göstərdiyini vurğulayıblar. Sosial mediada isə bəzi istifadəçilər, görüntülərin Fitr bayramı üçün bir araya gələn kəndlilərə aid ola biləcəyini yazıblar.
ABŞ-ın hava hücumunun dəqiq nə vaxt həyata keçirildiyi məlum olmasa da, Yəməndə bayram zamanında kəndlilərin bir yerə toplaşaraq ənənəvi rəqslərini ifa etmələri məlumdur.
Fatimə Nəbiyeva
18:00 05.04.2025
Oxunuş sayı: 6855
