Bağçada 2 yaşlı uşağa şiddət: "Üzü parçalanıb, qan içində idi"
Türkiyənin Antalya şəhərində yerləşən bir uşaq bağçasında 2 yaşlı bir uşaq digər uşaqlar tərəfindən döyülüb. Hadisə, təhlükəsizlik kameralarına da yansıyıb. Belə ki, uşağının vəziyyətini görən ana Buse Altıparmak "qızımı görəndə üzü, hər yeri parçalanmış, qan və morluq içində idi" deyib. Ailə hadisə ilə əlaqədar şikayətçi olub.
Crossmedia.az xəbər verir ki, bu barədə NTV məlumat yayıb.
Buse Altıparmak uşağını Muratpaşa rayonundakı uşaq baxçasına qoyduqdan sonra işə gedib. Günortadan sonra bağça rəhbərliyi ona, uşağının yeməkxanada başqa bir uşaq tərəfindən vurulduğunu bildirərək, amma vəziyyətinin yaxşı olduğunu söyləyib. Lakin, ana uşağını gördükdə, uşağının üzündə yara, burnunda və qulaqlarında qan izləri olduğunu görüb.
Qeyd edək ki, valideynlər bağçanın təhlükəsizlik kamerasının görüntülərini əldə ediblər və uşağın, yaşca böyük iki uşaq tərəfindən döyüldüyünü görüblər.
Fatimə Məmmədova
17:50 05.04.2025
Oxunuş sayı: 844
