ABŞ generalı: “İranın nüvə obyektləri və bazaları hədəflər arasındadır”
ABŞ Mərkəzi Komandanlığının (CENTCOM) keçmiş komandanı və ABŞ Mərkəzi Kəşfiyyat İdarəsinin sabiq direktoru David Petreus “İranın nüvə obyektlərinə və əsas hərbi mərkəzlərinə hücum üçün hərtərəfli planın” olduğunu açıqlayıb.
Crossmedia.az-ın məlumatına görə , ABŞ ordusunun İranın nüvə proqramına qarşı əməliyyatlar keçirməyə hazır olmasına toxunan Petreus bildirib ki, bu cür əməliyyatlar təkcə nüvə infrastrukturunu deyil, həm də İranın hava hücumundan müdafiə və raket bazalarını hədəfə alacaq və məhv edəcək.
O, bu planın təxminən 15 il əvvəl yaradıldığını və mütəmadi olaraq yeniləndiyini də vurğulayıb.
17:13 05.04.2025
Oxunuş sayı: 666
