Xarici xəbərlər

Türkiyə Braziliyaya reaktiv mühərriklər ixrac edəcək

“Kale Jet Motorları” KTJ-3200 Turboreaktiv Raket Mühərrikinin ixracı üçün Braziliyanın SIATT şirkəti ilə müqavilə imzalayıb.

Bu barədə Crossmedia.az xarici KİV-ə istinadən məlumat verir.

Hazırda kütləvi istehsalda olan və təhvil-təslim prosesi davam edən KTJ-3200 mühərriki ilə Türkiyə raketlərinin inkişafı istiqamətində uğurlu testlər həyata keçirilir.

Məlumat üçün bildirək ki, KTJ-3200 turboreaktiv mühərriki 330 mm diametrə və 50 kiloqram çəkiyə malikdir. Bu mühərrik 3200 nyutonadək itki gücü yarada bilir. İki fərqli variantda istehsal olunan KTJ-3200, Türkiyənin yerli istehsalı olan SOM və Atmaca qanadlı raketlərinə güc verir.

Kale Jet Motorları şirkəti KTJ-3200-dən əldə etdiyi texnoloji bilik və təcrübə ilə fərqli turboreaktiv mühərrikləri üzərində də işlərini davam etdirir. Bu, Türkiyənin müdafiə sənayesində ixrac qabiliyyətini artırmaqla yanaşı, mühərrik texnologiyalarında da strateji müstəqilliyini gücləndirir.

🖨 Çap et

16:25 05.04.2025

Oxunuş sayı: 652