Avropa ABŞ-nin tariflərinə qarşı sərt cavab verir
Fransa Prezidenti Emmanuel Makron, bütün Fransız şirkətlərini ABŞ-a planlaşdırdıqları investisiyaları dayandırmağa çağırıb. Bu çağırış, ABŞ-ın 180-dən çox ölkə və regiondan idxal etdiyi məhsullara tətbiq etdiyi yeni tariflərə qarşı Avropanın sərt reaksiyasının bir hissəsi kimi qiymətləndirilir.
Crossmedia.az xarici mediaya istinadən bildirir ki, Almaniya İqtisadiyyat nazirinin müavini Robert Habek də oxşar bir bəyanat verərək, Avropa ölkələrinin birgə hərəkət etməsi halında ABŞ Prezidenti Donald Trampın təzyiq altında geri çəkiləcəyini bildirib.
Fransanın maliyyə naziri Erik Lombard isə Vaşinqtonun tətbiq etdiyi tariflərə qarşı sərt tədbirlər görməyə qarşı xəbərdarlıq edərək, bunun Avropalı istehlakçılara da mənfi təsir göstərəcəyini vurğulayıb.
Avropa İttifaqının ticarət komissarı Maros Şefçoviç də ABŞ-ın ticarət naziri Hovard Lutnik və ticarət nümayəndəsi Ceymison Qri ilə keçirilən iki saatlıq görüşdən sonra “ABŞ-ın tarifləri zərərli və ədalətsizdir” deyərək Avropanın mövqeyini açıqlayıb. Şefçoviç sosial mediada paylaşdığı mesajda, “Aİ mənalı danışıqlara sadiqdir, eyni zamanda bizim maraqlarımızı müdafiə etməyə hazırdır” ifadəsini istifadə edib.
Zəhra Ağayeva
15:55 05.04.2025
Oxunuş sayı: 8889
