Bill Qeyts 50 il əvvəl yazdığı kodun ildönümünü qeyd edir
Microsoft-un qurucusu Bill Qeyts, texnologiya dünyasını dəyişən ilk kompüter kodunun 50 illiyini qeyd edib. O, 1975-ci ilin aprelində yazdığı bu kodun Microsoft-un təməlinin qoyulmasında mühüm rol oynadığını bildirib.
Crossmedia.az xarici mediaya istinadən bildirir ki, Qeyts bu münasibətlə dərc etdiyi bloq yazısında, Altair 8800 adlı mini-kompüter haqqında Popular Electronics jurnalında oxuduğu məqalədən ilham alaraq dostu Pol Allenlə birlikdə “proqram fabriki” yaratmaq qərarına gəldiklərini qeyd edib.
Microsoft həmin ideyanın əsasında qurulub və bu il 50 illik yubileyini qeyd edir. Qeyts həmin dövrdə Teletayp maşınına daxil edilən kodun, bu günkü süni intellekt sistemləri ilə müqayisədə sadə olsa da, texnoloji inqilabın başlanğıcı olduğunu vurğulayıb.
Zəhra Ağayeva
14:21 05.04.2025
Oxunuş sayı: 10425
