Tramp TikTok qadağasını 75 gün daha uzatdı
ABŞ Prezidenti Donald Tramp TikTok-un fəaliyyətini 75 gün daha davam etdirməsinə imkan verəcək sərəncam imzalayıb. Qərar, platformanın amerikalı şirkətlərə satılması üçün əlavə vaxt verilməsi məqsədi daşıyır.
Crossmedia.az xarici mediaya istindən bildirir ki, TikTok-un sahibi olan Çinli ByteDance ilə ABŞ hökuməti arasında razılaşmaya yaxınlaşılsa da, Trampın Çinə qarşı yeni tarifləri Pekinin müqaviləni təsdiqləməsini gecikdirib. Tramp bildirib ki, razılaşmanın əldə olunması üçün danışıqlar davam edir və bu müddət ərzində TikTok fəaliyyətini davam etdirə bilər.
TikTok-un satışı ilə bağlı hüquqi və maliyyə məsələlərinin tam həll olunması üçün 120 günlük bağlanış müddəti planlaşdırılıb. Lakin Çin tərəfi razılaşmanın təsdiqlənməsi üçün danışıqların davam etdirilməsini istəyir. ABŞ Konqresi isə platformanın 19 yanvar 2025-ə qədər Çin şirkətindən ayrılmamasını halında qadağan ediləcəyini bəyan etmişdi.
Ekspertlər isə ByteDance-in TikTok-un alqoritminə nəzarət etməyə davam etməsinin ABŞ üçün təhlükəsizlik riski yaratdığını bildirirlər. ABŞ rəsmiləri və hüquqşünaslar Trampın bu qərarının hüquqi cəhətdən mübahisəli olduğunu da qeyd edirlər. Pew Araşdırma Mərkəzinin sorğusuna əsasən, amerikalıların yalnız üçdə biri TikTok-un qadağan olunmasını dəstəkləyir.
Fatimə Nəbiyeva
13:28 05.04.2025
Oxunuş sayı: 908
