NASA-dan qorxulu açıqlama: Kosmos boşluğu peyklərə təhlükə yaradır
NASA alimləri Cənubi Amerika və Afrika arasında maqnit intensivliyinin azaldığı bir “kosmos boşluğu” müşahidə ediblər. Bu vəziyyət, daha çox günəş radiasiyasının Yer atmosferinə keçməsinə imkan verən Cənubi Atlantika Anomaliyasının bir hissəsidir.
Crossmedia.az xarici mediaya istinadən bildirir ki, maqnit anomaliyası Yer səthindən təxminən 200 kilometr hündürlükdə, Van Allen şüalanma kəmərlərinin Yerə ən yaxın olduğu bölgədə yerləşir. Bu dəyişiklik, xüsusən aşağı hündürlükdə orbitdə olan peyklər və kosmik texnologiya üçün ciddi risklər yaradır. Beynəlxalq Kosmik Stansiya kimi strukturlar bu bölgədən keçərkən yüksək enerjili günəş protonlarının elektron komponentlərinə zərər verə bilər. Bunun qarşısını almaq üçün keçid zamanı bəzi sistemlərin bağlanması lazım gələ bilər.
Alimlər Cənubi Atlantika Anomaliyasının Yerin xarici nüvəsindəki ərimiş dəmirdən qaynaqlandığını hesab edirlər. Əlavə olaraq, Afrikanın altındakı “Afrika Aşağı Kəsmə Zonası” adlı nəhəng süxur yatağının bu maqnit pozğunluğuna səbəb olduğu düşünülür.
Cənubi Atlantika Anomaliyasının dinamik quruluşu alimləri narahat edir, çünki bu anomaliya həm yavaş hərəkət edir, həm də iki fərqli bölgəyə bölünür. Təkrarlanan bir hadisə olaraq, son 11 milyon ildə Yerin maqnit sahəsinə təsir edən bu fenomen, gələcəkdə geomaqnit dönüşlərini işarə edə bilər. Geoloji qeydlərə görə, Yerin maqnit sahəsi son 75 milyon ildə təxminən 170 dəfə dəyişib ki, bu da texnoloji sistemlər üçün ciddi problemlərə səbəb ola bilər.
NASA, ICON və Swarm missiyaları vasitəsilə bu anomaliyanın təsirlərini izləyir və davamlı müşahidələrin vacibliyini vurğulayır.
Fatimə Nəbiyeva
13:16 03.04.2025
Oxunuş sayı: 5473
