Suriya prezidenti ilə PKK arasında müqavilə imzalanıb
Suriyanın lideri Əhməd əş-Şaraa ilə PKK-nın Suriya qolu “Suriya Demokratik Qüvvələri”nin baş komandanı Mazlum Abdi arasında müqavilə imzalanıb.
Crossmedia.az xarici mediaya istinadən xəbər verir ki, razılaşmaya əsasən Suriyada dərhal atəşkəs elan ediləcək.
”Suriya Demokratik Qüvvələri”-nin bütün mülki və hərbi qurumlarının Suriya dövlət strukturuna inteqrasiyası haqqında razılıq əldə olunub.
Kürdlərin hüquqi və mədəni tələbləri yeni Suriya konsitutsiyasında təsbit ediləcək.
Suriyanın şimal-şərqindəki bütün mülki və hərbi qurumların, o cümlədən sərhəd keçid məntəqələri, hava limanları, neft və qaz yataqları da daxil olmaqla dövlət idarəsi altında inteqrasiyası həyata keçiriləcək.
Bütün köçkün suriyalıların dövlət himayəsi altında öz doğma şəhərlərinə qayıtmasını təmin ediləcək.
Əsəd rejiminin qalıqları, Suriya təhlükəsizliyi və birliyinə qarşı bütün təhdidlərlə mübarizədə Dəməşqə dəstək veriləcək.
“Suriya Demokratik Qüvvələri” Deyr əz Zorda neft yataqlarının işlətməsini Suriya höküməti ilə birlikdə həyata keçirəcək.
22:34 10.03.2025
Oxunuş sayı: 10225
