Amerikalı general PKK lideri ilə görüşdü
ABŞ Mərkəzi Komandanlığının (CENTCOM) komandanı, general Maykl Kurilla, PKK/YPG/SDG terror təşkilatlarının lideri, Mazlum Kobani ləqəbi ilə tanınan Ferhat Abdi Şahinlə görüşüb.
Görüş, Suriya və İraqın şimalında baş verən son hadisələr və terrorla mübarizə mövzularında müzakirələr aparmaq məqsədini daşıyır.
Crossmedia.az xəbər verir ki, General Kurilla və Mazlum Kobani arasında bu görüş, ABŞ-ın Suriya və İraq bölgəsindəki hərbi və siyasi təsirinin gücləndirilməsi baxımından əhəmiyyətlidir.
ABŞ, YPG ilə müttəfiqlik əlaqələrini qorumağa davam edir, lakin Türkiyə bu təşkilatı terrorçu təşkilat olaraq tanıyır və ona qarşı mübarizəni davam etdirir.
Görüşdə, həmçinin, Yaxın Şərqdəki stabilliyin qorunması, İŞİD-lə mübarizə və regional təhlükəsizlik məsələlərinin müzakirə olunduğu bildirilir.
Bu görüşün, ABŞ-ın və müttəfiqlərinin bölgədəki hərbi və siyasi strategiyalarını necə təsir edəcəyi barədə hələlik dəqiq məlumatlar yoxdur.
Pərvin Hacıyeva
00:21 11.03.2025
Oxunuş sayı: 9757
