Ərdoğan: "Rusiya və Ukraynasız sülh heç vaxt daimi olmayacaq"
Türkiyə Prezidenti Rəcəb Tayyib Ərdoğan, Avropa İttifaqının (Aİ) həmfikir ölkə liderlərinin onlayn toplantısında iştirak edərək təhlükəsizlik və müdafiə məsələlərinə dair fikirlərini bölüşüb.
Crossmedia.az xəbər verir ki, xüsusilə Ukrayna münaqişəsi kontekstində son müzakirələrin Aİ-yə üzv dövlətlərdə narahatlıqla qarşılandığını vurğulayan Ərdoğan, bu müharibənin beynəlxalq təhlükəsizlik baxımından ciddi əhəmiyyət kəsb etdiyini qeyd edib.
Ərdoğan, Türkiyənin Rusiya-Ukrayna müharibəsinin başlanğıcından etibarən izlədiyi balanslı və prinsipial mövqeyinin əhəmiyyətini diqqətə çatdıraraq, "Biz Rusiya və Ukraynasız sülhün heç vaxt daimi olmayacağını hər fürsətdə vurğulayırıq," deyə bildirib.
Türkiyənin Avropa İttifaqı ilə əlaqələrini tam üzvlük hədəfi əsasında inkişaf etdirmək arzusunu ifadə edən Ərdoğan, Aİ-yə üzv dövlətlərin "Yeni Türkiyə"nin dünyadakı rolunu anlayaraq strategiyalarını buna uyğun olaraq müəyyən etməli olduqlarını bildirib.
O, bu anlaşmanın təmin olunmasının ardından Türkiyə ilə Avropa arasında bütün sahələrdə əlaqələrin sürətlə inkişaf edəcəyinə inandığını qeyd edib.
Aybəniz Səfərova
21:17 10.03.2025
Oxunuş sayı: 973
