İranın keçmiş naziri: "ABŞ-İran münaqişəsi Tayvan məsələsini həll edə bilər"
İranın keçmiş xarici işlər naziri Əli Əkbər Salehi, ABŞ və İran arasında münaqişə baş verərsə, Tayvan məsələsinin qısa zamanda həll olunacağını bildirib.
Crossmedia.az xarici mediaya istinadən xəbər verir ki, Salehi, bu açıqlamanı Qətərin xarici işlər nazirinin bəyanatları və Buşehr nüvə obyektinə edilən hücum xəbərdarlığından sonra verib.
O, Fars körfəzindəki ərəb ölkələrinin, İran ilə ABŞ arasında müharibə istəmədiklərini vurğulayaraq, siyasi təhlil nöqteyi-nəzərindən bu ölkələrin İranı cilovlamağa çalışsalar da, münaqişə görmək niyyətində olmadıqlarını qeyd edib. Salehi, belə bir münaqişənin bölgə üçün təhlükəli nəticələrə yol aça biləcəyini və nəticələrin aydın görünmədiyini ifadə edib.
20:58 10.03.2025
Oxunuş sayı: 984
