Xarici xəbərlər
İran nüvə proqramı ilə bağlı Rusiya və Çinlə məsləhətləşmələr aparır
İran, nüvə proqramına beynəlxalq inam yaratmaq və ölkəyə qarşı sanksiyaların aradan qaldırılmasına nail olmaq üçün Rusiya və Çinlə məsləhətləşmələr aparır.
Crossmedia.az xəbər verir ki, bu barədə İranın xarici işlər naziri Abbas Əraqçı dünən “X” hesabında paylaşım edərək bildirib. O vurğulayıb ki, “İranın nüvə proqramı hər zaman tamamilə dinc xarakterli olub və olacaq”.
Qeyd edək ki, İran hazırda “Avropa üçlüyü” (Böyük Britaniya, Almaniya və Fransa) ilə yanaşı, Rusiya və Çinlə ayrı-ayrılıqda, bərabər hüquqlu və qarşılıqlı hörmət əsasında məsləhətləşmələr aparır.
19:29 10.03.2025
Oxunuş sayı: 863
