BAYKAR İtaliyada yeni addımlar atır: Avropa əməkdaşlığa açıqdır
Türkiyənin müdafiə sənayesində önəmli şirkətlərindən olan BAYKAR, İtaliyada iki mühüm addım ataraq Avropa bazarında mövqeyini gücləndirir.
Crossmedia.az xəbər verir ki, bu barədə TRT Haber məlumat yayıb.
Belə ki, şirkət əvvəlcə Piaggio Aerospace havacılıq şirkətini satın alıb, daha sonra isə Avropanın ən böyük müdafiə sənayesi şirkətlərindən biri olan Leonardo ilə əməkdaşlıq sazişi imzalayıb.
Mütəxəssislər bu addımları "qazan-qazan" strategiyası kimi dəyərləndirirlər. BAYKAR Avropa bazarına daha rahat daxil olmaq və texnologiyalarını inkişaf etdirmək imkanı qazanarkən, İtaliya və Avropa da bu əməkdaşlıqdan faydalanacaq.
Avropa ölkələri müdafiə sənayesində yeni strategiyalar müəyyənləşdirir və yaxın 10 ildə insansız hava sistemləri bazarının 100 milyard dollara çatacağı proqnozlaşdırılır.
Qeyd edək ki, BAYKAR-ın Leonardo ilə əməkdaşlığı bu prosesdə Türkiyənin də mühüm oyunçu olmasına imkan yaradacaq.
Fatimə Məmmədova
07:36 11.03.2025
Oxunuş sayı: 11165
