Ermənistanın dağıdıcı mövqeyinin daha bir təzahürü: - "İfşa olunub"
İtkin düşmüş Şəxslər üzrə Beynəlxalq Komissiyanın (ICMP) "Azərbaycan Respublikasında itkin düşmüş şəxslərin axtarışı üzrə qiymətləndirmə hesabatı"nın təqdimatında bildirilib ki, Ermənistan Azərbaycanla əməkdaşlıqdan və kütləvi məzar yerləri barədə məlumat verməkdən boyun qaçırır. Qeyd olunub ki, Ermənistan münaqişə dövründə beynəlxalq hüququ pozub, mülki şəxsləri girov götürüb, onlara işgəncə verib və qanunsuz edamlar həyata keçirib. Hesabatda qeyd olunub ki, insanlar dəfn adətlərinə riayət olunmadan kütləvi şəkildə basdırılıb, məzar yerləri gizlədilib və qəsdən məhv edilib. Bu cür məzarlıqların sayının artması gözlənilir.
Bu, rəsmi İrəvanın dağıdıcı mövqeyinin növbəti təzahürüdür.
Bu barədə Crossmedia.az-a açıqlama verən Milli Məclisin deputatı Azay Quliyev Ermənistanın hər sahədə olduğu bu mövzuda da destuktiv mövqe tutduğunu və itkin düşmüş şəxslərlə bağlı məlumatı təqdim etmədiyini bildirib: "Biz Ermənistanın bu cür qanunsuz əməllərini və insanlıq əleyhinə törətdiyi cinayətləri hər zaman ifşa etmişik. Bundan sonra da edəcəyik".
Fatimə Məmmədova
15:56 10.03.2025
Oxunuş sayı: 12115
