Xarici xəbərlər

Tramp: İranın nüvə proqramı ilə bağlı sazişin bağlanması üçün vaxt daralır

ABŞ-nin prezidenti Donald Tramp İranın nüvə proqramı ilə bağlı sazişin bağlanması üçün vaxtın daraldığını bildirib.

Crossmedia.az xəbər verir ki, o bu məsələyə iki yanaşmanın mümkün olduğunu qeyd edib:

“İranla bağlı iki yanaşma var: hərbi və sövdələşmə. Mən sövdələşməyə üstünlük verərdim. Biz hərbi qələbə qədər yaxşı bir müqavilə bağlaya bilərik. Ancaq bunun vaxtı artıq yaxınlaşır. Bu və ya digər şəkildə nəsə baş verməlidir”, – deyə Tramp vurğulayıb.

Qeyd edək ki , İranın BMT-dəki missiyası bəyan edib ki, Tehran nüvə proqramı ilə bağlı danışıqlara yalnız proqramın hərbiləşdirilmə ehtimalı müzakirə olunarsa baxmağa hazırdır. İran hakimiyyəti isə nüvə proqramının tamamilə ləğvini heç vaxt müzakirə etməyəcəyini bildirib.

Fidan Xəlilova