İran XİN: Türkiyə səfirinin çağırılması Ankaranın mövqeyi ilə bağlıdır
İran Xarici İşlər Nazirliyi Türkiyənin Tehrandakı səfirini nazirliyə çağırıb. Crossmedia.az xəbər verir ki, bu barədə İran XİN-in sözçüsü İsmayıl Bəqai mətbuat konfransında məlumat verib.
O bildirib ki, Türkiyənin İrandakı səfirinin çağırılması Ankara rəsmilərinin mövqeyi ilə bağlı olub.
Bəqainin sözlərinə görə, daha əvvəl İranın Ankaradakı səfiri də Türkiyə Xarici İşlər Nazirliyinə çağırılıb.
İran rəsmisi əlavə edib ki, “Türkiyə rəsmiləri həqiqətə uyğun olmayan açıqlamalar verməkdən çəkinməlidirlər”.
Qeyd edək ki, o, həmçinin ötən həftə Ciddədə keçirilən görüşdə İranın mövqeyinin Türkiyənin xarici işlər nazirinə çatdırıldığını vurğulayıb.
Fatimə Məmmədova
15:07 10.03.2025
Oxunuş sayı: 8964
