İsrailin səhiyyə müəssisələrinə hücumları BMT Təhlükəsizlik Şurasında müzakirə olunacaq
İsrailin Qəzzadakı səhiyyə müəssisələrinə hücumları BMT Təhlükəsizlik Şurasında müzakirə olunacaq.
Crossmedia.az xarici KİV-ə istinadən xəbər verir ki, Əlcəzairin BMT-dəki daimi nümayəndəsi Amar Bendjama, Qəzza zolağında vəziyyətin kəskin şəkildə pisləşməsindən ciddi narahatlıq ifadə edərək, İsrailin, səhiyyə müəssisələrinə qarşı hücumlarının BMT Təhlükəsizlik Şurasında müzakirə ediləcəyini bildirib. Bu məqsədlə iclasın cümə günü keçirilməsi planlaşdırılır.
Bendjama vurğulayıb ki, Əlcəzair Fələstin xalqının əzablarını və Qəzzada hökm sürən humanitar böhranı beynəlxalq ictimaiyyətin diqqətində saxlamağa davam edəcək. Onun sözlərinə görə, Fələstinin xeyrinə fəaliyyət göstərən BMT-nin Qaçqınlar üzrə Agentliyinin (UNRWA) işi qarşısıalınmazdır və davam etdirilməlidir.
Suriyadakı vəziyyətlə bağlı suala cavab verən Bendjama, Təhlükəsizlik Şurasının 2254 saylı qətnaməsinin hələ də aktual olduğunu və Suriyalıların liderliyi ilə siyasi keçidin dəstəklənməli olduğunu bildirib. O, Suriyanın yenidən qurulması və idarəetməsinin bərpası üçün beynəlxalq dəstəyin vacibliyini qeyd edib.
Yanvarın 8-də Suriyayla bağlı ayrıca bir görüş keçiriləcək. Ayın sonunda isə Təhlükəsizlik Şurasının rəhbərliyi Çinə keçəcək.
12:51 03.01.2025
Oxunuş sayı: 4411
