Xarici xəbərlər

İran ballistik raket istehsalını bərpa etdi

İran ABŞ və İsrailin raket infrastrukturuna zərbələrinə baxmayaraq ballistik raketlərin istehsalını bərpa edib.

Crossmedia.az xəbər verir ki, “The Wall Street Journal” bu barədə məlumat yayıb.

Məlumata görə, İran əvvəlcədən topladığı komponentlərdən və yeraltı obyektlərdən istifadə etməklə həm maye, həm də bərk yanacaqlı raketlərin yığılmasına başlayıb.

Raketlərin yığılması bir neçə yeraltı obyektdə, o cümlədən Xocir raket kompleksində həyata keçirilir. Eyni zamanda, mümkün gələcək hücumlardan qorunmaq üçün yeni yeraltı istehsal sahələrinin inşası davam etdirilir.

İstehsalın tempi müharibədən əvvəlki səviyyədən aşağı olaraq qalır və əsasən əvvəlcədən mövcud olan komponentlərdən asılıdır.

ABŞ rəsmisinin sözlərinə görə, Tehran ən azı bir neçə yüz raketin yığılması üçün kifayət qədər komponent ehtiyatına malik ola bilər.

Məlumata görə, İran Tramp administrasiyası ilə iyun ayında əldə olunan ilkin razılaşmadan sonra da məhdud istehsalı bərpa edib. İran tərəfinin atəşkəsin uzunmüddətli olmayacağını düşündüyü ehtimal edilir.

Mövzular:

İran ABŞ İsrail Xocir raket ballistik raketlər The Wall Street Journal Tehran Tramp

🖨 Çap et

23:18 10.09.2026

Oxunuş sayı: 39