Rusiyada .ru domenlərinin administratorları üçün yeni qayda - Sentyabrın 1-dən...
Sentyabrın 1-dən Rusiyada .ru domen zonasında fəaliyyət göstərən saytların administratorları öz şəxsiyyətlərini “Gosusluqi” sistemi vasitəsilə təsdiqləməlidirlər.
Crossmedia.az xəbər verir ki, yeni qayda .рф və .su domen zonalarının administratorlarına da şamil olunur.
Yeni sistem internetdə sayt administratorlarının anonimliyinin aradan qaldırılmasını nəzərdə tutur. Rusiya hakimiyyəti bununla yanaşı, internet resurslarına nəzarət və bloklama mexanizmlərini də genişləndirir.
İstifadəçilərin şəxsiyyəti pasport məlumatları əsasında mobil operatorlarla bağlanan müqavilələr vasitəsilə müəyyənləşdirilir.
Rusiyada arzuolunmaz saytların bloklanması üçün mövcud texniki mexanizmlərlə yanaşı, domen adlarının adlar sistemindən silinməsi üsulundan da istifadə olunur.
Yeni qaydalarla dövlət orqanlarının sayt administratorları barədə məlumatlara çıxışı mümkün olacaq. Forbes jurnalının məlumatına görə, yeniliklərin tətbiqinə administratorların yarısından az hissəsi hazırdır.
17:57 01.09.2026
Oxunuş sayı: 42
