Rusiyada gecə PUA həyəcanı: 51 aparat məhv edildi
Rusiyanın müxtəlif bölgələri üzərində gecə saatlarında 51 pilotsuz uçuş aparatı (PUA) məhv edilib.
Crossmedia.az xəbər verir ki, Voronej vilayətinin qubernatoru Aleksandr Qusev “Maks” messencerində bu barədə məlumat yayıb.
Qusevin sözlərinə görə, avqustun 15-nə keçən gecə Voronej vilayətinin səmasında 14 PUA hava hücumundan müdafiə qüvvələri tərəfindən məhv edilib. İlkin məlumata əsasən, xəsarət alan olmayıb və infrastrukturda dağıntı qeydə alınmayıb.
Bundan əvvəl Tula vilayətinin qubernatoru Dmitri Milyayev hava hücumundan müdafiə qüvvələrinin vilayət üzərində Ukrayna Silahlı Qüvvələrinə məxsus 22 PUA-nı vurduğunu bildirib.
Moskva meri Sergey Sobyanin isə paytaxta doğru uçan 15 PUA-nın hava hücumundan müdafiə sistemləri tərəfindən məhv edildiyini açıqlayıb.
Rusiya Müdafiə Nazirliyinin məlumatına görə, avqustun 14-də ölkənin müxtəlif regionları və iki dənizin akvatoriyası üzərində 221 təyyarə tipli PUA ələ keçirilib və məhv edilib.
Bundan əvvəl Samara vilayətinin qubernatoru Ukrayna Silahlı Qüvvələrinin müəssisələrdən birinə raket hücumu həyata keçirdiyini bildirmişdi.
09:11 15.08.2026
Oxunuş sayı: 55
