KİV: İran yunan maqnatına məxsus neft tankerini ələ keçirib
İrana məxsus qüvvələrin yunan gəmi sahibi Corc Prokopiuya aid neft tankerini ələ keçirdiyi bildirilir.
Crossmedia.az xəbər verir ki, "Financial Times" bu barədə peyk görüntülərinə istinadən məlumat yayıb.
Məlumata görə, Kavomaleas adlı tanker Oman sahilləri yaxınlığında Hörmüz boğazı istiqamətində hərəkətdə olarkən iyulun 19-na keçən gecə iki mərmi ilə vurulub.
Hücum nəticəsində gəminin mühərrik bölməsində yanğın baş verib və ekipaj təxliyə olunub.Nəşrin yazdığına görə, sonradan tanker İran tərəfindən ələ keçirilmiş ola bilər.
Milyarder Corc Prokopiuya məxsus Dynacom şirkəti isə gəminin yedəyə alınması ilə bağlı heç bir əməliyyata razılıq vermədiyini açıqlayıb. Şirkət hazırda tankerin yerini müəyyənləşdirməyə çalışdığını bildirib.İran rəsmiləri məsələ ilə bağlı hələlik rəsmi açıqlama verməyiblər.
12:47 23.07.2026
Oxunuş sayı: 18
