Peskov Olimpiya Komitəsinin qərarından danışdı
Kremlin sözçüsü Dmitri Peskov gündəmdə olan bir sıra məsələlərlə bağlı açıqlamalar verib.
Crossmedia.az xəbər verir ki, Peskov Kremlin Beynəlxalq Olimpiya Komitəsinin İcraiyyə Komitəsinin Rusiya Olimpiya Komitəsinin statusunun bərpası ilə bağlı qərarını müsbət qiymətləndirdiyini bildirib.
Onun sözlərinə görə, bu qərar Rusiyanın beynəlxalq idman yarışlarında qanuni hüquqlarının bərpası istiqamətində mühüm addımdır. Peskov vurğulayıb ki, bütün Rusiya idmançılarının iri beynəlxalq yarışlarda iştirak etmək imkanı əldə etməsi olduqca vacibdir.
Kremlin sözçüsü qeyd edib ki, Rusiyanın beynəlxalq yarışlardakı qanuni hüquqlarının bərpası böyük nailiyyətdir.
Peskov həmçinin bildirib ki, Moskva Ukraynanın Rusiya qazının nəqli infrastrukturuna qarşı davamlı hücum cəhdləri ilə bağlı Ankaranın diqqətini dəfələrlə bu məsələyə yönəldib.
O, Ukrayna pilotsuz uçuş aparatlarının tankerlərə zərbələrini "beynəlxalq enerji infrastrukturuna qarşı terror fəaliyyəti" kimi qiymətləndirib.
Peskovun sözlərinə görə, Kiyev kritik qlobal enerji sisteminə qarşı aqressiv davranış və terror aktlarına meyillilik nümayiş etdirir və Rusiya bunu olduqca təhlükəli hesab edir.
14:12 08.07.2026
Oxunuş sayı: 49
