Hörmüz açılır? - Yüzlərlə gəmi hərəkətə hazır vəziyyətdədir
ABŞ və İran arasında Hörmüz boğazının açılması ilə bağlı müvəqqəti razılaşma xəbərləri beynəlxalq gəmiçilik və enerji bazarlarında ehtiyatlı nikbinlik yaradıb.
Crossmedia.az "Bloomberg" nəşrinə istinadən xəbər verir ki, gəmi sahibləri və ticarət şirkətləri boğazdan keçidin hansı şərtlərlə bərpa olunacağına dair daha dəqiq məlumat gözləyirlər. Hazırda gəmi təhlükəsizliyinin necə təmin ediləcəyi və keçid qaydalarının necə tətbiq olunacağı tam aydın deyil.
Məlumata görə, analitik platforma Kpler-in hesablamalarına əsasən, Fars körfəzində təxminən 600 gəmi hərəkətə başlamaq üçün gözləmə vəziyyətindədir. Hörmüz boğazından kənarda isə yüzlərlə digər gəmi marşrutun tam açılması halında körfəzə daxil olmağa hazır vəziyyətdədir.
Nəşrdə qeyd edilir ki, razılaşma xəbərlərinin yayılmasından sonra ilk saatlarda boğazdakı hərəkətlilik məhdud səviyyədə qalıb və yalnız bir mayeləşdirilmiş təbii qaz tankeri Hörmüz istiqamətində hərəkət edib.
18:11 15.06.2026
Oxunuş sayı: 63
