Tramp İranla bağlı atəşkəs rejimini uzadıb
ABŞ prezidenti Donald Tramp İranla bağlı tətbiq edilən atəşkəs rejiminin müddətini uzadıb.
Crossmedia.az bu barədə xarici mediaya istinadən xəbər verir.
Bu qərar Pakistan tərəfinin xahişi əsasında verilib. Bildirilir ki, atəşkəs rejimi Tehranın rəsmi təkliflərini təqdim etməsinə və danışıqlar prosesinin yekunlaşmasına qədər qüvvədə qalacaq.
Tramp sosial şəbəkədə açıqlamasında qeyd edib ki, İran hökumətində parçalanmanın mövcud olması fonunda və Pakistanın feldmarşalı Asim Munir ilə baş naziri Shehbaz Sharif tərəfindən edilən müraciət nəzərə alınaraq, İrana qarşı hərbi əməliyyatlar müvəqqəti olaraq təxirə salınıb.
O əlavə edib ki, ABŞ hərbçilərinə blokadanı davam etdirmək və digər məsələlərdə tam hazır vəziyyətdə qalmaq tapşırılıb. Atəşkəs rejimi isə İranın vahid təkliflə çıxış edəcəyi və danışıqların nəticələnəcəyi vaxta qədər qüvvədə olacaq.
10:49 22.04.2026
Oxunuş sayı: 131
