Xarici xəbərlər

İrana qarşı əməliyyatlar ABŞ-yə 56 milyard dollara başa gəlib

ABŞ-nin İrana qarşı həyata keçirdiyi hərbi əməliyyatların xərcləri 50 günlük aktiv döyüşlər ərzində 56,1 milyard dolları keçib.

Crossmedia.az xəbər verir ki, bu barədə məlumatlar “Iran War Cost Tracker” analitik platformasına istinadən açıqlanıb.

Bildirilir ki, ABŞ Yaxın Şərqdə əməliyyatların ilk altı günündə 11,3 milyard dollar xərcləyib, sonrakı dövrdə isə gündəlik xərclərin təxminən 1 milyard dollar səviyyəsində olması planlaşdırılıb.

Ekspertlər qeyd edir ki, açıqlanan rəqəmlərə qoşunların daşınması və hərbi texnikanın bərpası kimi bəzi xərclər daxil deyil. Bu səbəbdən real məbləğin daha yüksək ola biləcəyi istisna edilmir.

Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb və regionda gərginlik sürətlə artıb.

🖨 Çap et

10:28 20.04.2026

Oxunuş sayı: 343