Qalibaf: Hörmüz boğazı tam şəkildə nəzarətimiz altındadır
Hörmüz boğazı tam şəkildə İran İslam Respublikasının nəzarəti altındadır.
Crossmedia.az xəbər verir ki, bunu İran parlamentinin sədri Məhəmməd Baqir Qalibaf deyib.
Qalibafın sözlərinə görə, ABŞ-nin mina təmizləmə cəhdinə İran qətiyyətlə cavab verib və bu addım atəşkəsin pozulması kimi qiymətləndirilib. O, qeyd edib ki, vəziyyət bir müddət qarşıdurma həddinə yaxınlaşıb. Lakin nəticədə ABŞ qüvvələri geri çəkilib.
ABŞ-nin son günlərdə İran limanlarına qarşı elan etdiyi blokadanı “ehtiyatsız və cahil qərar” adlandıran parlament sədri bildirib ki, əgər İran boğazdan keçə bilmirsə, digər ölkələrin də keçidi mümkün olmayacaq.
Qalibaf xəbərdarlıq edib ki, ABŞ blokadanı qaldırmasa, Hörmüz boğazından hərəkət mütləq şəkildə məhdudlaşdırılacaq.
13:10 19.04.2026
Oxunuş sayı: 44
