Xorvatiya Ukraynaya hərbi kontingent göndərməyəcək
Xorvatiya Ukraynaya hərbi qüvvə göndərmək niyyətində deyil.
Crossmedia.az xəbər verir ki, bu barədə Xorvatiyanın Baş naziri Andrey Plenkoviç Parisdə keçirilən “könüllülər koalisiyası”nın toplantısından sonra açıqlama verib.
Baş nazir bildirib ki, atəşkəs və sülh razılaşması əldə olunsa belə, Xorvatiya hərbçiləri Ukrayna ərazisində yerləşdiriləcək beynəlxalq qüvvələrin tərkibində iştirak etməyəcək.
“Xorvatiya əsgərləri atəşkəs və sülhün təmin olunmasından sonra Ukrayna ərazisində ‘könüllülər koalisiyası’nın beynəlxalq qüvvələrinə qoşulmayacaq”, – deyə Plenkoviç sosial şəbəkə hesabında qeyd edib.
Onun sözlərinə görə, Zaqreb Ukraynaya siyasi və humanitar dəstəyini davam etdirəcək, lakin hərbi kontingentin göndərilməsi gündəmdə deyil.
Nəzrin Abbas
10:58 07.01.2026
Oxunuş sayı: 2586
