Tramp Venesueladan ABŞ-yə göndəriləcək neftin həcmini açıqlayıb
ABŞ Prezidenti Donald Tramp Venesuelanın müvəqqəti hakimiyyətinin Amerika Birləşmiş Ştatlarına göndərəcəyi neftin həcmi ilə bağlı açıqlama verib.
Crossmedia.az bu barədə xarici KİV-ə istinadən xəbər verir.
Onun sözlərinə görə, Venesuela ABŞ-ə 30–50 milyon barel həcmində yüksək keyfiyyətli, sanksiyalara məruz qalmış xam neft köçürəcək. Bildirilib ki, neft bazar qiymətinə satılacaq və əldə edilən vəsaitin Venesuela və ABŞ xalqlarının rifahı naminə istifadə olunmasına nəzarət ediləcək.
Tramp qeyd edib ki, bu planın dərhal icrası üçün ABŞ-nin Energetika naziri Kris Rayta göstəriş verilib. Neftin əvvəlcə saxlama gəmilərinə yüklənəcəyi, daha sonra isə birbaşa ABŞ-dəki boşaltma terminallarına çatdırılacağı vurğulanıb.
Nəzrin Abbas
10:18 07.01.2026
Oxunuş sayı: 2582
