Qrenlandiyanın gələcəyi ilə bağlı qərarları yalnız Danimarka və Qrenlandiya verə bilər -Aİ liderləri
Fransa, Almaniya, İtaliya, İspaniya, Polşa, Böyük Britaniya və Danimarka liderləri Qrenlandiyanın gələcəyi ilə bağlı birgə bəyanat yayıblar. Bəyanatda vurğulanıb ki, adanın taleyi barədə qərar vermək hüququ yalnız Danimarka və Qrenlandiyaya məxsusdur.
Bu barədə Crossmedia.az xarici KİV-ə istinadən xəbər verir.
Sənəddə qeyd olunur ki, Qrenlandiya onun xalqına aiddir və Danimarka ilə Qrenlandiya ilə bağlı məsələlərə üçüncü tərəflərin müdaxiləsi yolverilməzdir. Birgə bəyanat Danimarkanın Baş Nazirlik Ofisinin X sosial şəbəkə hesabında dərc edilib.
Eyni zamanda, Aİ liderləri Arktika bölgəsində təhlükəsizliyin NATO müttəfiqləri, o cümlədən ABŞ ilə koordinasiya şəraitində birgə şəkildə təmin edilməsinin vacibliyini vurğulayıblar.
22:43 06.01.2026
Oxunuş sayı: 3172
