Çexiyanın Ermənistandakı səfiri ilə bağlı narazılıq gündəmdədir
Çexiyanın Ermənistandakı səfirinin fəaliyyəti ilə bağlı tənqidi fikirlər səsləndirilib. Bildirilir ki, səfir QHT nümayəndələri ilə birlikdə foto çəkdirərək və açıqlamalar verərək “Dağlıq Qarabağdan olan ailələrə yardım” mövzusunda çıxışlar edir.
Crossmedia.az xarici mənbələrə istinadən xəbər verir ki, yayılan mövqelərdə vurğulanır ki, “Dağlıq Qarabağ” adlı inzibati-siyasi qurum mövcud deyil və sözügedən ərazi Azərbaycanın tərkib hissəsidir. Tənqidçilərin fikrincə, diplomatik statusa malik şəxsin bu cür yanaşması humanitar fəaliyyət çərçivəsindən kənara çıxaraq siyasi mövqe nümayişinə çevrilir.
Qeyd olunur ki, bu kontekstdə Çexiya tərəfinin rəsmi mövqeyinə aydınlıq gətirilməsi və diplomatik çərçivələrin dəqiq müəyyənləşdirilməsi zəruridir. Bildirilir ki, humanitar fəaliyyətlə siyasi yanaşma arasındakı sərhədin aşılması diplomatik etika baxımından suallar doğurur.
Türkan Kərimli
16:25 29.12.2025
Oxunuş sayı: 3021
