Ukrayna və ABŞ Donbasdan qoşunların çıxarılması məsələsində razılığa gələ bilməyib
Ukrayna və ABŞ arasında Cenevrədə keçirilən danışıqlarda tərəflər Ukrayna Silahlı Qüvvələrinin Donbasdan çıxarılması və Kiyevin NATO-ya üzvlük planları ilə bağlı ortaq mövqeyə gələ bilməyiblər.
Crossmedia.az xarici KİV-ə istinadən xəbər verir ki, bu məsələlərin prezidentlər Volodimir Zelenski və Donald Tramp arasında bu həftə və ya gələn həftə baş tutacağı gözlənilən görüşdə müzakirə olunacağı bildirilir.
Məlumata görə, Tramp administrasiyasının planında Ukrayna qoşunlarının Donbasdan çıxarılması “ən mübahisəli məqamlardan biri” kimi qiymətləndirilir. Bununla yanaşı, Ukrayna Ordusunun ümumi ölçüləri, Zaporojye Atom Elektrik Stansiyasının statusu, məhbus mübadiləsi və məhkumların geri qaytarılması kimi məsələlər üzrə müəyyən razılaşmalara nail olunub.
Danışıqların yekun nəticəsinin isə liderlərin qarşıdakı görüşündən sonra məlum olacağı gözlənilir.
18:27 24.11.2025
Oxunuş sayı: 2580
