İran XİN: AEBA ilə vasitəçiyə ehtiyacımız yoxdur
İran Xarici İşlər Nazirliyinin sözçüsü İsmayıl Bəqayi İranın Atom Enerjisi üzrə Beynəlxalq Agentliklə (AEBA) əlaqədə vasitəçiyə ehtiyac duymadığını bildirib.
Crossmedia.az “Snn.ir”-ə istinadən xəbər verir ki, Sözçü qeyd edib ki, Vyanadakı daimi nümayəndəlik vasitəsilə AEBA birbaşa dialoq aparılır və İran öz mövqelərini həm ictimaiyyət, həm də Agentlik rəsmiləri qarşısında ifadə edir.
İranın Nüvə Silahlarının Yayılmaması Müqaviləsinin üzvü olduğu xatırladılıb və ölkənin öhdəliklərinə sadiq olduğu vurğulanıb.
Sözçü bildirib ki, İranın dinc nüvə obyektlərinə qarşı yaranan problemlərin əsas səbəbi ABŞ və İsrailin hücumlarıdır və bu ölkələr məsuliyyətə cəlb edilməlidir.
Agentlik və onun İdarə Heyətinə çağırış edilib ki, İranı ittiham etmək əvəzinə, Amerika və “sionist rejimin” hücumlarını dəstəkləyən tərəfləri cavabdeh etsinlər.
13:30 24.11.2025
Oxunuş sayı: 2072
