Xarici xəbərlər
Ukrayna: "Flamingo" raketi mühərrik alışı əməliyyatını gizlətmək üçün təqdim edilib
“Flamingo” raketinin BƏƏ-də keçirilən IDEX 2025 sərgisində BƏƏ–Britaniya şirkəti Milanion Group brendi altında təqdim olunması, əslində AI-25 və AI-25TL aviasiya mühərriklərinin alınmasını gizlətmək üçün hazırlanmış xüsusi əməliyyat olub.
Crossmedia.az xarici mediaya istinadən xəbər verir ki, bu barədə ukraynalı Fire Point şirkətinin nümayəndəsi bildirib.
Nümayəndənin sözlərinə görə, məqsəd xaricdə toplu şəkildə alınan köhnə AI-25 və AI-25TL mühərriklərinin Rusiyanın diqqətindən yayınmasını təmin etmək idi:
“Bu bizim xüsusi əməliyyatımız idi. İstəyirdik ki, ruslar bunun guya Britaniya-Hindistan şirkətinin maraqları üçün aparıldığını düşünsünlər.”
O deyib ki, dostlarından sərgidə onlar üçün yer ayırmağı xahiş edib və həmin stenddə FP-5 Milanion adlı raketin maketi yerləşdirilib. Bu, dünya üzrə mühərriklərin kütləvi şəkildə alınmasının Rusiyada şübhə yaratmaması üçün həyata keçirilib. Ruslar vəziyyəti anlayanda isə bütün mühərriklər artıq alınmışdı.
Məlumata görə, “Flamingo” raketində həqiqətən də AI-25 tipli mühərriklərdən istifadə olunur.
12:28 24.11.2025
Oxunuş sayı: 3152
