Xarkovda gecə hücumu: dörd nəfər həlak oldu, 13 sakin yaralandı
23 noyabr gecəsi Rusiyaya məxsus “kamikadze” dronları Xarkovun Şevçenkovski və Saltovski rayonlarına zərbələr endirib.
Crossmedia.az Ukraynanın Fövqəladə Hallar Xidmətinə istinadən xəbər verir ki, hücum nəticəsində bir neçə binada dağıntılar baş verib, bir neçə yerdə yanğın ocaqları yaranıb.
Yerlı hakimiyyətin verdiyi məlumata əsasən, alov üç yaşayış evini və bir infrastruktur obyektini əhatə edib. Hadisə nəticəsində dörd nəfər həlak olub, ən azı 13 sakin yaralanıb. Yaralılar arasında iki uşağın olduğu bildirilir. Onlara tibbi yardım göstərilir.
Hücumun fəsadlarının aradan qaldırılması üçün Dövlət Fövqəladə Hallar Xidmətinin xüsusi bölmələri, o cümlədən pirotexniki qruplar səfərbər olunub. Hadisə yerində xidmətin psixoloqları da çalışaraq zərərçəkənlərə və onların ailələrinə dəstək göstərir.
Pərvin Hacıyeva
11:34 24.11.2025
Oxunuş sayı: 2248
