Azərbaycan HƏMAS-ın tərksilah edilməsi üçün qoşun göndərməkdən imtina edib
Azərbaycan Qəzzada sabitlik yaratmaq məqsədilə planlaşdırılan beynəlxalq missiyada iştirakdan imtina edən sonuncu ölkə olub. Bu qərar faktiki olaraq Trampın çoxmillətli planının həyata keçirilməsini sual altına qoyur.
Crossmedia.az bu barədə “Israel Hayom”a istinadən xəbər verir.
Məlumata görə, indiyədək heç bir ölkə HƏMAS-ın tərksilahı üçün hərbi qüvvə göndərməyə razılıq verməyib, Bakı isə “öz əsgərlərini risk altına qoymaq niyyətində olmadığını” bildirib.
Bu fonda İsrailin müstəqil şəkildə hərəkətə hazırlaşdığı qeyd olunur. İsrail Ordusu (SAXAL) və ŞABAK xəbərdarlıq edir ki, HƏMAS döyüşlərdə yaranmış fasilədən istifadə edərək silah ehtiyatını artırır və mövqelərini möhkəmləndirir.
Baş nazir Benyamin Netanyahu vurğulayıb: Qəzzanın demilitarizasiyası xarici dəstək olmadan mümkün deyil və əgər beynəlxalq qüvvələr formalaşmasa, İsrail bu vəzifəni öz gücü ilə yerinə yetirəcək.
ABŞ hesab edir ki, Qəzzanın bərpası yalnız onun tam tərksilahından sonra başlaya bilər. HƏMAS fəaliyyətini davam etdirməyə çalışsa belə, İsrail ordusu əsas bölgələr üzərində nəzarəti qoruyacaq.
Günel Verdiyeva
11:27 24.11.2025
Oxunuş sayı: 2758
