Pakistanda polis idarəsinə edilən hücüm nəticəsində ölənlər və yaralananlar var- Yenilənib
Pakistanın Peşəvər şəhərində Federal Polis İdarəsinin qərargahına terror hücum edilib. “Dawn” qəzetinin məlumatına görə, hücum zamanı kompleks daxilində bir neçə partlayıcı qurğu işə salınıb.
Reuters-in bildirdiyinə əsasən, partlayış nəticəsində azı üç nəfər həlak olub. Bir neçə nəfər isə yaralanıb.
Hadisədən sonra ərazidə atışma səsi eşidilib və polis qüvvələrinin cavab əməliyyatı zamanı iki silahlı zərərsizləşdirilib. Hadisə ilə bağlı araşdırma davam edir.
Terror aktına görə məsuliyyəti “Tehrik-e-Taliban Pakistan” (TTP) qruplaşması öz üzərinə götürüb.
“Dawn” qəzetinin məlumatına görə, hücum nəticəsində ümumilikdə 12 nəfər ölüb. Onlardan üçün Federal Polis İdarəsinin əməkdaşı olub. İki nəfər isə yaralanıb. Bu, son üç ildə Peşəvərdəki təhlükəsizlik obyektlərinə edilən sayca ikinci böyük terror hücumudur.
Hadisə, TTP-nin Pakistanın cənub-qərbindəki təhlükəsizlik qüvvələrinə və mülki obyektlərə qarşı həyata keçirdiyi hücumlar silsiləsində yer alır. TTP, 2007-ci ildə Pakistanın şimal-qərb bölgəsində yaradılıb və radikal şəriət qanunlarına əsaslanan İslam dövləti qurmaq məqsədini güdür. Son illərdə bu qruplaşma çoxsaylı terror aktları həyata keçirib, mülki və hərbi hədəflərə qarşı hücumlar təşkil edib.
11:14
Pakistanın polis qərargahı yaxınlığında partlayış: İki terrorçu zərərsizləşdirildi
Pakistanın polis qərargahı yaxınlığında terrorçular tərəfindən güclü partlayış törədilib. Hadisə şəhərdə ciddi həyəcan yaradıb və əraziyə dərhal təhlükəsizlik qüvvələri cəlb olunub. Partlayışın dəqiq mexanizmi və terrorçuların məqsədi barədə araşdırmalar davam edir.
Bu barədə Crossmedia.az xarici mediaya istinadən xəbər verir.
Cavab tədbirləri çərçivəsində polis və xüsusi təyinatlı qüvvələr operativ şəkildə əməliyyata başlayıblar. Qarşıdurma zamanı iki silahlı terrorçu hüquq-mühafizə orqanları tərəfindən zərərsizləşdirilib.
Türkanə Məşədiyeva
18:13 24.11.2025
Oxunuş sayı: 3373
