Aİ və Ukraynanın sülh prosesi ilə bağlı irəli sürdüyü şərtlər açıqlanıb
Avropa İttifaqı və Ukrayna tərəfi Rusiya ilə mümkün sülh danışıqları üçün bu gün öz tələblər paketini təqdim edib.
Crossmedia.az xəbər verir ki, bu barədə“The Telegraph” məlumat yayıb.
Təklif olunan əsas şərtlər bunlardır:
Donetskdən qoşunların çıxarılması
Aİ və Ukrayna Donetskdən hərbi qüvvələrin çıxarılması tələbini tamamilə qəbuledilməz hesab etdiklərini bildiriblər.
Təhlükəsizlik zəmanəti
Ukrayna ABŞ-dan NATO-nun 5-ci maddəsinə ekvivalent təhlükəsizlik təminatı almalıdır.
Ərazi məsələləri
Ərazi ilə bağlı hər hansı müzakirə yalnız tam atəşkəs əldə edildikdən sonra mümkün olacaq. Bundan əlavə, Ukraynanın Aİ-yə dərhal üzvlüyü nəzərdə tutulur.
Strateji obyektlərə nəzarət
Ukrayna Zaparoje Atom Elektrik Stansiyasına və Kaxovka Su Elektrik Stansiyasına tam nəzarəti bərpa etməlidir. Kiyevin neytral dövlət statusuna məcbur edilməsi mümkün deyil. Ukrayna NATO-ya üzv olmaq hüququnu saxlayacaq.
Təzminat və Rusiya aktivləri
Ukraynaya kompensasiya Rusiya Federasiyasının dondurulmuş aktivlərindən ödəniləcək. Rusiyaya qarşı sanksiyalar isə yalnız mərhələli şəkildə ləğv oluna bilər.
Ərazi mübadiləsi
Mümkün ərazi mübadiləsi yalnız hazırkı təmas xətti əsasında müzakirə edilə bilər.
Xarici qoşunların yerləşdirilməsi
Ukrayna müttəfiq ölkələrin qoşunlarını öz ərazisində yerləşdirmək hüququna malik olacaq.
Mənbənin qeyd etdiyinə görə, bu şərtlər Kiyevin təhlükəsizliyinin gücləndirilməsi və mümkün sülh razılaşmasının ədalətli şəkildə formalaşmasına yönəlib.
22:27 23.11.2025
Oxunuş sayı: 3921
