Mansur Yavaş və katibi barədə araşdırma başladıldı
Türkiyənin Daxili İşlər Nazirliyi Ankaranın müxalifətçi meri, Cümhuriyyət Xalq Partiyasının üzvü Mansur Yavaş və onun katibi Nevzat Uzunoğlu barəsində araşdırmanın başlanmasına rəsmi icazə verib. Crossmedia.az xarici mediaya istinadən xəbər verir ki, onlar konsert təşkilatları ilə bağlı maliyyə xərclərində mümkün pozuntular səbəbilə "vəzifə səlahiyyətlərindən sui-istifadə" və "nəzarət öhdəliklərinin yerinə yetirilməməsi" maddələri üzrə ittiham olunur.
Aparılan yoxlamalar 32 konsert tədbiri üçün xidmət satınalmalarında təxminən 154,45 milyon lirə həcmində ehtimal olunan maliyyə zərəri müəyyən edib.
Mansur Yavaş məsələ ilə bağlı açıqlamasında bildirib ki, ittihamları qəbul etmir və qərardan Dövlət Şurasına müraciət edərək hüquqi mübarizəni davam etdirəcək.
Nigar Yahyazadə
22:00 23.11.2025
Oxunuş sayı: 4424
