Putin: Trampın Ukrayna üzrə sülh planı Moskvanın əlindədir, lakin Kiyevin mövqeyi danışıqları dalana salır
Rusiya prezidenti Volodimir Putin ABŞ prezidenti Donald Tramp tərəfindən təklif olunan Ukrayna üzrə nizamlanma planının ümumi şəkildə müzakirə edildiyini, lakin açıq və detallı danışıqların aparılmadığını bildirib.
Bu barədə Crossmedia.az xarici mediaya istinadən xəbər verir.
Putinin sözlərinə görə, Alyaskanın Ankoric şəhərində keçirilən görüşdən əvvəl tərəflər Trampın sülh planını ümumi kontekstdə nəzərdən keçiriblər. Görüş zamanı Moskva çətinliklərə baxmayaraq ABŞ-nin təklif etdiyi nizamlanma mexanizmlərinə razılıq verdiyini təsdiqləyib. ABŞ isə Rusiyadan müəyyən kompromislərə getməyi xahiş edib.
Putin əlavə edib ki, Rusiya Ukrayna nizamlanmasına dair yanaşmada çeviklik göstərməyə hazırdır və sülh danışıqları üçün qapı açıqdır. Lakin Alyaska danışıqlarından sonra proses Ukraynanın imtinası səbəbindən ABŞ tərəfindən dayandırılıb.
Moskvanın Trampın 28 bənddən ibarət sülh planının mətninə malik olduğunu deyən Putin, sənədi “modernləşmə” adlandırıb. Eyni zamanda o bildirib ki, planın yenilənmiş variantı Rusiya ilə ətraflı şəkildə müzakirə olunmayıb, çünki Vaşinqton Kiyevin etirazı səbəbindən birbaşa dialoqa getmir.
Putin vurğulayıb ki, Ukrayna və onun müttəfiqləri “Rusiyaya strateji məğlubiyyət vermək arzusu ilə özlərini aldatmağa davam edirlər”.
Döyüş meydanındakı vəziyyətə toxunan Rusiya lideri bildirib ki, Kupyansk şəhəri noyabrın 4-də artıq demək olar ki, tamamilə rus qüvvələrinin nəzarətinə keçmişdi və şəhərin taleyi əvvəlcədən müəyyən olunmuşdu. Onun sözlərinə görə, cəbhənin digər hissələrində də oxşar vəziyyətin təkrarlanması Rusiya üçün sərfəlidir.
Putin bir daha qeyd edib ki, Moskva sülh danışıqlarına və Ukraynada problemlərin diplomatik yolla həllinə hazırdır.
14:12 22.11.2025
Oxunuş sayı: 2814
