Əraqçı: Vaşinqtonda qərar vermək cəsarəti çatmır
İranın xarici işlər naziri Abbas Əraqçı ABŞ ilə danışıqları və AEBA-nın İranın nüvə obyektlərinə çıxışı məsələsini şərh edib.
Crossmedia.az xarici mediaya istinadən xəbər verir ki, bu barədə Əraqçı “The Economist”ə müsahibəsində danışıb.
Onun sözlərinə görə, beş görüş zamanı tərəflər kompromis həll yolu tapmağa cəhd ediblər.
"Ən azı üç dəfə biz hər iki tərəfi qane edən müsbət və kreativ variantlar təklif etmişik. Təəssüf ki, Vaşinqton onları həyata keçirə bilmədi. Görünür, onların qərar qəbul etmək cəsarəti çatmır", - deyə iranlı nazir bildirib.
AEBA-nın bütün obyektlərə baxış keçirməsinə qadağa qoymasına gəlincə, Əraqçı vurğulayıb ki, əsas narahatlıq təhlükəsizlik riskləridir: “Bəzi obyektlərdə partlamamış partlayıcı maddələr və raketlər var və radiasiya riski var.
Kimsə bu obyektlərə yaxınlaşarsa, ABŞ-nin hücum riski də qalmaqdadır. Buna görə də yoxlamaları təhlükəsiz aparmaq üçün xüsusi üsullar və ya çərçivələr lazımdır”.
13:35 22.11.2025
Oxunuş sayı: 2508
