907-ci düzəlişin ləğvi ABŞ–Azərbaycan enerji əməkdaşlığını gücləndirə bilər
907-ci düzəlişin ləğvi Azərbaycanı ABŞ-ın enerji və nadir torpaq resursları sahəsində strateji tərəfdaşına çevirə bilər.
Bu barədə Crossmedia.az ABŞ - nin "Forbes" nəşrinə istinadən xəbər verir.
Ölkənin Mərkəzi Asiya blokuna qoşulması ABŞ və Avropa üçün yeni geosiyasi imkanlar açır. Azərbaycan dünya sənayesi və regional iqtisadiyyat üçün kritik əhəmiyyət kəsb edən böyük neft, qaz və nadir torpaq metallarına malikdir.
Azərbaycanın ABŞ-nin tərəfdaşları sırasına daxil edilməsi, ABŞ- yə əlavə təbii resurslar təmin edə və Çinin nadir torpaq elementləri üzrə qlobal monopoliyasını zəiflədə bilər.
Məhz eyni zamanda Azərbaycan regionda Amerikanın mühüm ticarət və enerji tərəfdaşı kimi mövqeyini möhkəmləndirməyə çalışa bilər. Bu yeni münasibətləri gücləndirmək üçün və Tramp administrasiyası digər ölkələrlə enerji əlaqələrini inkişaf etdirməyə davam edərkən, Konqres ‘Azadlıq Aktı’nın 907-ci düzəlişinin ləğvini nəzərdən keçirə bilər.
Pərvin Hacıyeva
14:30 21.11.2025
Oxunuş sayı: 3454
